ಜೋಗ ಜಲಪಾತ: ಪೊಟರೆಯಲ್ಲಿ ಆಶ್ರಯ ಪಡೆದಿದ್ದ ಜ್ಯೋತಿರಾಜ್‌ ಸುರಕ್ಷಿತ ತಾಣಕ್ಕೆ

ಜೋಗ ಜಲಪಾತ: ಪೊಟರೆಯಲ್ಲಿ ಆಶ್ರಯ ಪಡೆದಿದ್ದ ಜ್ಯೋತಿರಾಜ್‌ ಸುರಕ್ಷಿತ ತಾಣಕ್ಕೆ

186
0
SHARE

ಶಿವಮೊಗ್ಗ: ಮಂಗಳವಾರ ಸಂಜೆ ಜೋಗ ಜಲಪಾತದಲ್ಲಿ ನಾಪತ್ತೆಯಾಗಿದ್ದ ಜ್ಯೋತಿರಾಜ್ಪತ್ತೆಯಾಗಿದ್ದಾರೆ. ರಾಜಾಫಾಲ್ಸ್ ಕೆಳಗೆ ಬೆಳಗ್ಗೆ ಪತ್ತೆಯಾಗಿರುವ ಅವರನ್ನು ಜಲಪಾತದಿಂದ ಸುರಕ್ಷಿತ ತಾಣಕ್ಕೆ ಕರೆ ತರಲಾಗಿದೆ.

ಜೋಗ ಜಲಪಾತಕ್ಕೆ ಧುಮುಕಿ ಆತ್ಮಹತ್ಯೆ ಮಾಡಿಕೊಂಡ ಯುವಕನ ಮೃತದೇಹ ಹುಡುಕಲು ಜಲಪಾತಕ್ಕೆ ಇಳಿದ ಸಾಹಸಿ ಜ್ಯೋತಿರಾಜ್ ಅಲಿಯಾಸ್ ಕೋತಿರಾಜ್ ಕತ್ತಲಾದರೂ ವಾಪಸ್ ಬರದೆ ಆತಂಕ ಸೃಷ್ಟಿಯಾಗಿತ್ತು. ಮೃತದೇಹ ಹುಡುಕಲೆಂದು ಮಂಗಳವಾರ ಮಧ್ಯಾಹ್ನ 2.30ರ ಹೊತ್ತಿಗೆ ಜಲಪಾತಕ್ಕೆ ಇಳಿದ ಚಿತ್ರದುರ್ಗದ ಜ್ಯೋತಿರಾಜ್ ರಾತ್ರಿ 9 ಗಂಟೆಯಾದರೂ ವಾಪಸ್‌ ಬಂದಿರಲಿಲ್ಲ

  1. ತೋಳಿಗೆ ಪೆಟ್ಟಾಗಿ ಪೊಟರೆಯಲ್ಲಿ ಆಶ್ರಯ ಪಡೆದಿದ್ದರು
    ರಾಜಾಫಾಲ್ಸ್ ಕೆಳಗೆ ನೀರಿನಿಂದ ಸುಮಾರು ನೂರು ಅಡಿ ಮೇಲ್ಭಾಗದಲ್ಲಿ ಬಂಡೆಗಳ ನಡುವೆ ಪೊಟರೆಯೊಳಗೆ ಆಶ್ರಯ ಪಡೆದುಕೊಂಡಿದ್ದ ಜ್ಯೋತಿರಾಜ್‌ ಅವರನ್ನು ರಕ್ಷಣಾ ತಂಡಗಳು ಸುರಕ್ಷಿತ ತಾಣಕ್ಕೆ ಕರೆತಂದಿವೆ.
    ಮಂಗಳವಾರ ಸಂಜೆ ಶವವನ್ನು ಹುಡುಕುವ ಹಂತದಲ್ಲಿ ಎಡ ತೋಳಿಗೆ ಪೆಟ್ಟು ಮಾಡಿಕೊಂಡಿದ್ದರಂತೆ. ನೋವು ತೀವ್ರವಾಗಿ ಕಾಡಿದ್ದಲ್ಲದೆ ಬಂಡೆಗಳಲ್ಲಿ ಕಟ್ಟಿದ್ದ ಪಾಚಿ ಜಾರುತ್ತಿತ್ತಂತೆ. ಮಬ್ಬು ಕವಿದ ಕಾರಣ ಈ ಹಂತದಲ್ಲಿ ಸಾಹಸ ಬೇಡವೆಂದು ಅವರು ಪೊಟರೆಯೊಳಗೆ ಆಶ್ರಯ ಪಡೆದುಕೊಂಡಿದ್ದರಂತೆ.

    ಬುಧವಾರ ಬೆಳಗ್ಗೆ ದಾವಣಗೆರೆ, ಚಿತ್ರದುರ್ಗ ಮತ್ತು ಬೆಂಗಳೂರಿಂದ ಮೂರು ರಕ್ಷಣಾ ತಂಡಗಳು ಜ್ಯೋತಿರಾಜ್‌ ಅವರನ್ನು ಹುಡುಕುವ ಪ್ರಯತ್ನ ನಡೆಸಿದ್ದರು. ಒಂದು ತಂಡ ರಾಜಾಫಾಲ್ಸ್ ಬಳಿಯೇ ಹೆಚ್ಚು ಗಮನವಿಟ್ಟು ಹುಡುಕಾಟ ನಡೆಸಿತ್ತು. ಆ ಹೊತ್ತಿಗೆ ನೀರಿನಿಂದ ಮೇಲ್ಭಾಗದಲ್ಲಿ ಸುಮಾರು ನೂರು ಅಡಿ ಅಂತರದಲ್ಲಿ ಪೊಟರೆ ಬಳಿ ಜ್ಯೋತಿರಾಜ್ ಕಾಣಿಸಿಕೊಂಡಿದ್ದಾರೆ. ರಕ್ಷಣಾ ತಂಡವನ್ನು ಗಮನಿಸಿದ ಅವರು ಅಲ್ಲಿಂದಲೆ ನೀರಿಗೆ ಧುಮುಕಿದರು. ಬಳಿಕ ಅವರನ್ನು ದಡಕ್ಕೆ ಕರೆತರಲಾಯಿತು.ಮಂಗಳವಾರ ರಾತ್ರಿ ಮತ್ತು ಬುಧವಾರ ಬೆಳಗ್ಗೆ ಊಟ- ಉಪಹಾರ ಇಲ್ಲದೆ ನಿತ್ರಾಣಗೊಂಡಿದ್ದರು. ಹೀಗಾಗಿ ಅವರಿಗೆ ತಿನ್ನಲು ನೀಡಿ ವಿಶ್ರಾಂತಿ ತೆಗೆದುಕೊಳ್ಳಲು ಬಿಟ್ಟು ಮಧ್ಯಾಹ್ನದ ಬಳಿಕ ಜಲಪಾತದಿಂದ ಮೇಲೆ ಕರೆತರಲು ಪೊಲೀಸರು ನಿರ್ಧರಿಸಿದ್ದಾರೆ.

    ಕೋತಿಯನ್ನೇ ಆರಾಧ್ಯ ದೈವವಾಗಿಸಿಕೊಂಡಿರುವ ಜ್ಯೋತಿರಾಜ್ ಅವರು ಈ ಹಿಂದೆ ಜೋಗ ಜಲಪಾತದಲ್ಲಿ ಹಲವು ಮೃತದೇಹಗಳನ್ನು ಹುಡುಕಿ ತೆಗೆದಿದ್ದರು. ಭೋರ್ಗರೆವ ಜಲಪಾತದಲ್ಲಿ ಸ್ವಲ್ಪವೂ ಹೆದರದೆ ಕೆಲವೊಮ್ಮೆ ಮೇಲಿಂದ ಕೆಳಕ್ಕೆ ಇಳಿದು, ಮತ್ತೆ ಕೆಲವು ಬಾರಿ ಕೆಳಗಿನಿಂದ ಮೇಲೆ ಏರಿ ಮೃತದೇಹಗಳನ್ನು ಪತ್ತೆ ಮಾಡಿದ್ದರು.

    1.  ವರದಿ: ಸಂದೀಪ್ ಶನಿವಾರಸಂತೆ

NO COMMENTS

LEAVE A REPLY