ಟಿ20: ಡುಮಿನಿ ವ್ಯರ್ಥ ಹೋರಾಟ; ಭಾರತಕ್ಕೆ ಗೆಲುವು

ಟಿ20: ಡುಮಿನಿ ವ್ಯರ್ಥ ಹೋರಾಟ; ಭಾರತಕ್ಕೆ ಗೆಲುವು

145
0
SHARE

ಕೇಪ್ ಟೌನ್: ನ್ಯೂಲ್ಯಾಂಡ್ಸ್‌ ಕ್ರೀಡಾಂಗಣದಲ್ಲಿ ನಡೆದ ಟಿ20 ಪಂದ್ಯಾಟದ ಅಂತಿಮ ಹಣಾಹಣಿಯಲ್ಲಿ ಹರಿಣಗಳನ್ನು ಬಗ್ಗುಬಡಿದಿರುವ ಬ್ಲೂಬಾಯ್ಸ್‌ ಏಳು ರನ್‌ಗಳ ಜಯ ಸಾಧಿಸಿದ್ದಾರೆ.

ಟಾಸ್‌ ಸೋತು ಬ್ಯಾಟಿಂಗ್‌ ಇಳಿದ ಭಾರತ ತಂಡದ ಸ್ಪೋಟಕ ಬ್ಯಾಟ್ಸ್‌ಮ್ಯಾನ್‌ ಶಿಖರ್‌ ಧವನ್‌ (47ರನ್‌) ಹಾಗೂ ಅನುಭವಿ ಆಟಗಾರ ಸುರೇಶ್‌ ರೈನಾ ನಡುವಿನ ಅಬ್ಬರದ ಬ್ಯಾಟಿಂಗ್‌ನಲ್ಲಿ 7 ವಿಕೆಟ್‌ನಷ್ಟಕ್ಕೆ 172 ರನ್‌ ಕಲೆಹಾಕಿತ್ತು.

ಇದನ್ನು ಬೆನ್ನತ್ತಿದ್ದ ದ.ಆಫ್ರಿಕಾ ತಂಡ ಆರಂಭದಲ್ಲೇ ರಾಝಾ ಹೆಂಡ್ರಿಕ್‌ ವಿಕೆಟ್‌ ಕಳೆದುಕೊಂಡು ಸಂಕಷ್ಟಕ್ಕೀಡಾಗಿತ್ತು. ಇದಾದ ಬಳಿಕ ನಾಯಕನಾಟ ಆಡಿದ ಡುಮಿನಿ 41 ಎಸೆತಗಳಿಗೆ 55 ರನ್‌ಗಳಿಸಿದರು, ಇವರಿಗೆ ಮತ್ತೋರ್ವ ಆಟಗಾರ ಜೇಂಕರ್‌ (49) ಸಾಥ್‌ ನೀಡಿದರು. ಆದರೆ ಭಾರತದ ಉತ್ತಮ ಬೌಲಿಂಗ್‌ ನಿರ್ವಹಣೆಯಿಂದ ನಿಗದಿತ ರನ್‌ನ್ನು ಕಲೆಹಾಲು ವಿಫಲವಾದ ದ.ಆಫ್ರಿಕಾ ತಂಡ ಅಂತಿಮವಾಗಿ ಆರು ವಿಕೆಟ್‌ ಕಳೆದುಕೊಂಡು 165ರನ್‌ ಕಲೆ ಹಾಕಿ ಭಾರತಕ್ಕೆ ಶರಣಾಯಿತು. 
ಭುವನೇಶ್ವ ರ್ ಕುಮಾರ       

ಬೌಲಿಂಗ್‌ ವಿಭಾಗದಲ್ಲಿ ಭಾರತದ ಪರ ಭುವನೇಶ್ವರ್‌ ಕುಮಾರ್‌ ಎರಡು ವಿಕೆಟ್‌ ಕಬಳಿಸಿದರೆ, ಬುಮ್ರಾ, ಠಾಕೂರ್, ಪಾಂಡ್ಯ, ಹಾಗೂ ರೈನಾ ತಲಾ ಒಂದು ವಿಕೆಟ್‌ ಪಡೆದರು. 

ಇದಕ್ಕೂ ಮುನ್ನ ಬ್ಯಾಟಿಂಗ್ ನಡೆಸಿದ್ದ ಭಾರತ ತಂಡ, ಆರಂಭದಲ್ಲಿ ರೋಹಿತ್‌ ಶರ್ಮಾ ಕೇವಲ 11 ರನ್‌ಗೆ ಔಟ್‌ ಆಗುವ ಮೂಲಕ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾದರು. ಇದಾದ ಬಳಿಕ ಜತೆಯಾದ ರೈನಾ ಹಾಗೂ ಧವನ್‌ ಒಟ್ಟಾರೆ 65ರನ್‌ಗಳ ಜತೆಯಾಟ ಆಡಿ ತಂಡಕ್ಕೆ ಆಸರೆಯಾದರು. 

ಕ್ಯಾಪ್ಟನ್‌ ವಿರಾಟ್‌ ಕೊಹ್ಲಿ ಗಾಯದ ಸಮಸ್ಯೆ ಎದುರಿಸಿದ್ದ ಕಾರಣ ಅವರ ಸ್ಥಾನದಲ್ಲಿ ರೋಹಿತ್‌ ಶರ್ಮಾ ತಂಡವನ್ನು ಮುನ್ನಡೆಸಿದರು. ಅಲ್ಲದೆ ಕೊಹ್ಲಿ ಅಲಭ್ಯತೆ ಕಾರಣ ದಿನೇಶ್‌ ಕಾರ್ತಿಕ್‌ಗೆ ಆಡುವ 11ರ ಬಳಗದಲ್ಲಿ ಅವಕಾಶ ಲಭ್ಯವಾಯಿತು. ಜತಗೆ ಹೊಟ್ಟೆ ನೋವಿನ ಸಮಸ್ಯೆಯಿಂದ ಮೊದಲೆರಡು ಪಂದ್ಯಗಳಿಗೆ ಅಲಭ್ಯರಾಗಿದ್ದ ತಂಡದ ಸ್ಟಾರ್‌ ವೇಗದ ಬೌಲರ್‌ ಜಸ್‌ಪ್ರೀತ್‌ ಬುಮ್ರಾ ಕಣಕ್ಕಿಳಿದರು. ಹೀಗಾಗಿ ಎಡಗೈ ವೇಗಿ ಜೈದೇವ್‌ ಉನಾದ್ಕಟ್‌ ಹೊರಗುಳಿದರು. ದಕ್ಷಿಣ ಆಫ್ರಿಕಾ ತಂಡ ಯಾವುದೇ ಬದಲಾವಣೆ ಇಲ್ಲದಂತೆ 2ನೇ ಪಂದ್ಯದಲ್ಲಿ ಇದ್ದ ತಂಡವನ್ನೇ ಕಣಕ್ಕಿಳಿಸಿತು.

NO COMMENTS

LEAVE A REPLY