ನದಿಗೆ ಉರುಳಿದ ಬಸ್: 33 ಪ್ರಯಾಣಿಕರು ಸಾವು

ನದಿಗೆ ಉರುಳಿದ ಬಸ್: 33 ಪ್ರಯಾಣಿಕರು ಸಾವು

139
0
SHARE

ಜೈಪುರ(ಡಿ.24.2017): ಬಸ್ಸೊಂದು ಸೇತುವೆಯ ತಡೆ ಕಂಬಿಗಳನ್ನು ಮುರಿದು ಹೊಳೆಗೆ ಬಿದ್ದು 33 ಮಂದಿ ಮೃತಪಟ್ಟ ಘಟನೆ ರಾಜಸ್ಥಾನದ ಸವಾಯ್‌ ಮಾಧೋಪುರ್‌ ಜಿಲ್ಲೆಯಲ್ಲಿ ಶನಿವಾರ ಬೆಳಗ್ಗೆ ಸಂಭವಿಸಿದೆ.

ಸವಾಯ್‌ ಮಾಧೋಪುರ್‌ನಿಂದ ಲಾಲ್‌ ಸೋಟ್‌ಗೆ 45 ಪ್ರಯಾಣಿಕರನ್ನು ಹೊತ್ತು ಸಾಗುತ್ತಿದ್ದ ಬಸ್‌ ಬನಾಸ್‌ ನದಿಯ ಸೇತುವೆ ಮೇಲೆ ಚಾಲಕನ ನಿಯಂತ್ರಣ ಕಳೆದುಕೊಂಡು ತಡೆ ಕಂಬಿಗಳನ್ನು ಮುರಿದು 100 ಅಡಿ ಆಳಕ್ಕೆ ಧುಮುಕಿತು. ಮೃತರಲ್ಲಿ ಏಳು ಮಹಿಳೆಯರು, ನಾಲ್ಕು ಮಕ್ಕಳು ಸೇರಿದ್ದಾರೆ. ಚಾಲಕನೂ ಮೃತಪಟ್ಟಿದ್ದಾನೆ. ಅಪ್ರಾಪ್ತನೊಬ್ಬ ವಾಹನ ಚಲಾಯಿಸುತ್ತಿದ್ದ ಎಂದು ಹೇಳಲಾಗುತ್ತಿದೆಯಾದರೂ ಪೊಲೀಸರು ಇನ್ನೂ ದೃಢಪಡಿಸಿಲ್ಲ.

ತೀರ್ಥಯಾತ್ರೆಗೆ ಹೊರಟಿದ್ದರು: ಪ್ರಯಾಣಿಕರಲ್ಲಿ ರಾಜಸ್ಥಾನ ಮಾತ್ರವಲ್ಲದೆ, ಉತ್ತರ ಪ್ರದೇಶ, ಮಧ್ಯ ಪ್ರದೇಶ ಮತ್ತು ಅಸ್ಸಾಂ ನವರೂ ಇದ್ದರು. ಇವರಲ್ಲಿ ಹೆಚ್ಚಿನವರು ಸವಾಯ್‌ ಮಾಧೋಪುರ್‌ ಜಿಲ್ಲೆಯ ಮಲಾರ್ನ ಚೌರ್‌ ದೇವಸ್ಥಾನಕ್ಕೆ ಹೋಗುತ್ತಿದ್ದರು.

ಪ್ರಧಾನಿ ನರೇಂದ್ರ ಮೋದಿ, ಸಿಎಂ ವಸುಂಧರಾ ರಾಜೇ, ರಾಜ್ಯದ ಕಾಂಗ್ರೆಸ್‌ ಅಧ್ಯಕ್ಷ ಸಚಿನ್‌ ಪೈಲಟ್‌ ಸೇರಿದಂತೆ ಹಲವರು ದುರ್ಘಟನೆ ಬಗ್ಗೆ ಸಂತಾಪ ವ್ಯಕ್ತಪಡಿಸಿದ್ದಾರೆ.

NO COMMENTS

LEAVE A REPLY